Uzun illərin təcrübəsinə əsasən əminliklə deyə bilərəm ki, müasir dünyamızda insanlar doğrudan da böyük potensiala sahibdirlər, amma metod, istiqamət, resurs axtarırlar. Mən isə kouçinqin bu ehtiyaclara cavab verdiyinə qəti inanıram. Ona görə U Coaching Institute-u yaratdım — çünki bu, təkcə bu günün deyil, gələcəyin də yaşama tərzidir.”

“U” mənim üçün sadəcə bir hərf deyil. O, həm you – sən deməkdir, həm də U-turn – həyatdakı tərs dönüş deməkdir. Eyni zamanda unique – yəni hər bir insanın özünəməxsusluğu və unlock – daxilimizdəki potensialı açmaq mənasını da daşıyır.

Coaching Institute ideyası da məhz mənim şəxsi dönüş nöqtəmdən doğdu. Bir səhər – bazar ertəsi günü avtomobillə gedirdim. Qarşımdakı iki seçim arasında qalmışdım: biri bildiyim, rahat, amma inkişafsız həyat tərzinin davamı idi… digəri isə qeyri-müəyyən, amma inkişaf və dəyişikliklə dolu yeni bir yol.
Elə bu düşüncələrlə gedərkən birdən gözüm yol kənarındakı bir nişana sataşdı – U dönüşü işarəsi. O anda sanki kainat mənə dedi: “Hələ gec deyil. Dön və öz yolunu seç.”
Mən döndüm. Və həmin gündən bu yana inkişafa gedən yolum hələ də davam edir.
Məhz buna görə institutun adında “U” var. Çünki bu institut sənin üçündür:

• Unique – çünki sən təkrarsızsan,
• Unlock – çünki içindəki gücü açmaq mümkündür,
• U-turn – çünki istənilən an həyatını dəyişmək mümkündür.
  
  U Coaching Institute – sənin dönüş nöqtən üçün buradadır.

U Coaching Institute-un fərqi təkcə nə etdiyində deyil, necə etdiyindədir.

• Transformativ yanaşma: Biz kouçinqi texniki bacarıqların öyrədilməsi kimi deyil, düşüncə tərzinin dəyişdirilməsi kimi görürük. Bu institutda kouçinq – daxili dönüş və özünə qayıdış prosesidir.
• U modelimiz: Adımızdakı "U" bir modelə çevrilib – Unique (unikallıq), Unlock (potensialın açılması), U-turn (dönüş nöqtəsi). Bu yanaşma hər bir şəxsin fərdi yoluna uyğun olaraq tətbiq olunur.
• Həm həyat, həm də iş üçün: Biz kouçinqi yalnız karyera və performans üçün deyil, həyatın özü üçün faydalı bir üslub kimi təqdim edirik. Liderlərdən tutmuş gənclərə qədər hər kəs üçün praktik və uyğun metodlar tətbiq edirik.
• İnteqrativ metodologiya: Klassik kouçinq texnikaları ilə yanaşı, emosional intellekt, düşüncə transformasiyası və özünüdərk texnikalarını birləşdiririk.
• İnsani və dərin əlaqə: Bizim kouçlarımız sadəcə sual verən deyil – həqiqi dinləyən, müşahidə edən və insanın potensialına inanan tərəfdaşlardır.
•  Dəstək mədəniyyəti: Burada təkcə kouçinq sessiyaları keçirilmir. Burada insanlar özlərini tanıdıqları, rahat hiss etdikləri və inkişaf etdikləri bir icmanın parçasına çevrilirlər.
• İnstititutun nəzdində 3D Klubu netvörkinq icması və Kouçinq Teatrı da fəaliyyət göstərirlər ki, bu da prosesə kompleks və dəyərlə yanaşmağımızın təzahürüdür.