U Coaching Institute
Kouçinq Teatrı
U Coaching İnstitutu:
Daxili Dəyişimin Canlı Səhnəsi
Kouçinq Teatrı, U Coaching İnstitutunun nəzdində fəaliyyət göstərən və incəsənət, kouçinq və təlimçiliyin nadir birləşməsindən yaranan unikal platformadır. Bu teatr sadəcə bir səhnə sənəti deyil, həm də insan potensialının bədii ifadəsi, daxili aləminin canlandırılmasıdır. Burada biliklər danışılmır – onlar yaşanır, hiss olunur və dəyişməyə çevrilir.
U Coaching Institute
Təlim-tamaşalar və Korporativ Tədbirlər
Kouçinq Teatrı, müxtəlif mövzularda – emosional intellektdən liderliyə, komanda ruhundan özünüdərkinə qədər – təlim-tamaşalar təqdim edir. Bu tamaşalar yalnız passiv dinləmə üçün deyil, aktiv iştirak və daxili transformasiya üçün səhnələşdirilir. Tamaşaçılar bəzən oyun iştirakçısına çevrilir, çünki burada dəyişiklik “oynanır”, göstərilmir.
Bundan əlavə, teatr korporativ tədbirlər üçün də özəl proqramlar təqdim edir. Şirkətlər üçün hazırlanan teatr formatlı təlimlər, işçilərin ürəkdən hiss etməsini, empatiya və əlaqəni gücləndirməyi, liderlik bacarıqlarını bədii və təcrübə əsaslı şəkildə inkişaf etdirməyi hədəfləyir.
Kouçinq Teatrının Tarixi və İştirakçılar
Kouçinq Teatrının əsası 2021-ci ildə qoyulub. İlk olaraq 3D Klubu təlim iştirakçılarının fəal iştirakı ilə real təlim keisləri səhnələşdirilib. 2022-ci ildə teatrın təqdimatı uğurla reallaşıb və geniş auditoriya qarşısında ilk canlı təmas baş tutub.
Bu gün repertuarında artıq 10-a yaxın fərqli mövzulu tamaşa yer alır. Onlar insanın daxili aləminə səyahət edir, özünü anlama və dərin dəyişmə yoluna dəvət edir.
Teatrın ən müstəsna cəhəti budur ki, aktyorları məhz U Coaching İnstitutunun təlim və xidmət iştirakçılarıdır. Onlar həm səhnədə performans göstərir, həm də öz inkişaflarının canlı şahidi və nümayişkarı olurlar. Bu isə Kouçinq Teatrını təkcə sənət əsəri deyil, həm də şəxsiyyət transformasiyası platforması edir.
U Coaching Institute
Tamaşalar
Kouçinq Teatrı, müxtəlif mövzularda – emosional intellektdən liderliyə, komanda ruhundan özünüdərkinə qədər – təlim-tamaşalar təqdim edir.
Vakansiya Elanı
Ömrün Üç Günü
Bu işləyir.
Master Və Bacarıqlar
Xeyirli Olsun!
Sonuncu Üzləşmə
Bir Ümid Hekayəsi.
Şirkətdə bir gün.
"Ömrün Üç Günü" Kouçinq Tamaşası
Tamaşalar
Niyə Kouçinq Teatrı Vacibdir?
Çünki bu gün insanlara yalnız bilik vermək kifayət etmir. Onlar hiss etmək, toxunmaq, yaşamaq və dönüşmək istəyirlər. Kouçinq Teatrı da məhz bu ehtiyacı qarşılayır – burada sənə deyilməz: “Dəyiş.” Burada sən səhnədə özünü görür və özün deyirsən: “Mən dəyişirəm.”
Bu teatrda səhnə və həyat bir-birinə qarışır, aktyor və tamaşaçı, sual və cavab, sükut və səs bir yerdə harmoniyada axır. Burada hər kəs öz daxili səhnəsinin rejissoru, aktyoru və tamaşaçısı olur.
Kouçinq Teatrı – ruhun səhnəsində oynanan səssiz, lakin güclü dönüşüm oyunudur.
Yeni Tamaşalardan Ən Tez Siz Xəbərdar Olun
Email-inizi daxil edərək Yeniliklərdən ən tez siz xəbərdar ola bilərsiniz.
