Bizim fundamental kvant və master bacarıq təlimlərimizin, kouçluq və mentorluq xidmətlərimizin ortaq şüarlarından biri var — NO QİQ! Bu, qınama, ittiham və qeybət (QİQ) vərdişlərinə qarşı çağırışdır. NO QİQ — “QİQ-ə yox” deməkdir.
Fokuslanmaqda çətinlik və QİQ
Gündəlik həyatda fokuslana bilməmək, enerjinin qəfil düşməsi, meditasiyada uğursuzluq kimi halların arxasında çox vaxt QİQ vərdişi dayanır.
Məsələn:
Sərxan layihəyə diqqət cəmləyə bilmir.
Nurgün günə pozitiv başlayır, amma enerjisi qəfil aşağı düşür.
Ümid meditasiya etməyə cəhd edir, amma fokuslana bilmir.
Bu fərqli hallar əslində bir səbəbdən qaynaqlanır: Qınama, ittiham və qeybət (QİQ).
QİQ nədir və nə üçün zərərlidir?
QİQ — başqalarını qınamaq, şikayət etmək və qeybət etmək deməkdir. QİQ etdiyimiz zaman, əslində Kainatla (və özümüzlə) oyun oynayırıq:
Qınadığımız davranış və ya şəxs üçün kainata enerji ötürürük.
Bu enerji eyni situasiyanı yenidən qarşımıza çıxarır.
Qınama əhvalımızı pisləşdirir, enerji sızıntısına səbəb olur.
Bir sözlə, qınadığımızı biz özümüz yaşayırıq.
QİQ-ə səbəb olan 4 əsas hiss
Dəyərsizliyi hissi — Özünü aktual dəyərdən narazı hiss etmək, haqlı olmağı seçmək, nəticədə qınamağa yönəlmək.
Qorxu — Sonsuz enerji və sevgi qaynağına inamsızlıq, qorxudan qorxmaq və qorxuları gizlətmək üçün qınamaq.
Paxıllıq — Başqasının uğurunu həzm edə bilməmək, qınama ilə diskomfortu yüngülləşdirməyə çalışmaq.
Təəssüf və peşmançılıq — Keçmişdə yaşananlara bağlı məsuliyyəti kənara atmaq üçün başqalarını qınamaq.
NO QİQ çağırışı
QİQ etmək enerji sızıntısı və pis əhval yaradır. Təlimlərimizdə “NO QİQ” prinsipi tətbiq etdikcə, insanlar enerjilərinin yüksəldiyini, işlərinin yoluna düşdüyünü bildirirlər.
NO QİQ olmaq — həm özünə, həm də ətrafına hörmət etmək deməkdir.
Bir anlıq belə deyək:
Qınadığın, şikayət etdiyin, qeybət etdiyin anda dayan və sadəcə dərin nəfəs al. Nəfəs almaq ən yaxşı NO QİQ texnikasıdır.
Son söz
Bu dünya başqalarını qınamaq üçün deyil, təkmilləşmək üçün var. QİQ-dən uzaq duraraq, həyatını daha enerjili, sakit və məqsədli yaşa!
NO QİQ!
