Fəaliyyət insanın ayrılmaz hissəsidir. Hər cəmiyyətin əsas hərəkətverici qüvvəsi — əmək, yəni fəaliyyət və ya müasir dildə biznesdir. Biznes təkcə qazanc vasitəsi deyil, həm də özünüifadə yoludur. Amma çox insan var ki, sevmədiyi işə gedib-gəlir, ürəksiz şəkildə vaxt sərf edir. Digərləri isə sevdikləri işi edir. Bəs fərq nədir?
Fərdi amillər – iş şəraiti, qazanc, kollektiv – kimi görünə bilər. Amma əsl səbəb bunlar deyil. Əsas məsələ işin fəlsəfəsini anlamaqdır. Öz işinin fəlsəfəsini dərk edən onu sevər, anlamayan isə yox.
“Fəlsəfə” dedikdə, Aristotel və Sokratın mürəkkəb ideyaları nəzərdə tutulmur. Burada söhbət fəaliyyətinizin mənasından gedir. İşin fəlsəfəsi bəzən bir cümlə ilə, bəzən isə uzun yazı ilə ifadə oluna bilər. Əsas isə onun dəyişməz və dərin olmasıdır.
İşinizdə qarşılaşdığınız yeni ideyalar fəlsəfənizə uyğun deyilsə, onlardan imtina etmək üçün cəsarətiniz olmalıdır. Fəlsəfə dəyişməzdir — işinizə uyğunlaşmalı, əksinə deyil.
Niyə fəlsəfə yazmaq vacibdir?
Fəlsəfə istiqamətinizi müəyyən edir və sizi daim yeni ideyaların dalınca qaçmaqdan qoruyur;
Uzun müddətli istiqamət insanı peşəkarlaşdırır, yarımçıq işlərdən qoruyur;
Fəlsəfə daxili resurslarınızı üzə çıxarır və onları effektiv istifadə etməyə kömək edir.
Fəlsəfəni yazmaq esse deyil. O, dərin düşüncə, dəyərlər, daxili güc və viziyanın aydın formalaşmasıdır. Bu, şəxsi konstitusiyanızdır — ruhunuzun və məqsədlərinizin ifadəsi.
Yadda saxlayın, həyat bir fəlsəfədir. Həyatın fəlsəfəsini dərk edənlər, işdən və həyatlarından həqiqətən zövq alır.
