3D — Düşüncə, Duyğu və Davranış deməkdir. Bu üç element insan təlimində və inkişafında bir yerdə vəhdət təşkil edir.
1D və 2D Təlim nədir?
1D təlim — sadəcə davranışa yönəlib (məsələn, zaman idarəetməsi, nitq texnikaları).
2D təlim — düşüncə yanaşması əlavə olunub, yəni nə etdiyimizi və niyə etdiyimizi anlamaya çalışır.
3D təlim isə bu ikisinə duyğunu da qatır — yəni həm nə etdiyini, həm necə düşündüyünü, həm də hansı duyğularla hərəkət etdiyini dərk etməyi öyrədir.
Niyə 3D vacibdir?
Çox təlimçi yalnız 1D və ya 2D səviyyəsində təlim verir. Bu, informasiyanın səthi mənimsənilməsinə səbəb olur və zamanla biliklər unudulur. 3D yanaşması ilə təlimlər dərinləşir, mənimsəmə və tətbiq daha effektiv olur.
3D Klubunun mənası nədir?
3D Klubu — bir təşkilat və ya sosial şəbəkə deyil, düşüncə, duyğu və davranışın harmoniyada işlədiyi təbii sistemdir. Hər birimizin daxilində mövcuddur və həyatımızın bütün sahələrini əhatə edir.
3D və daxili motivasiya
3D Klubu sayəsində daxili motivasiya doğur, çünki düşüncə, duyğu və davranış elementləri sinergetik şəkildə fəaliyyət göstərir. Xarici motivasiya müvəqqəti olsa da, 3D mexanizmi uzunmüddətli güc verir.
Dinləmək və 3D
Dinləmək də 3D-dir:
Eşitmək — sadəcə sözləri qəbul etmək
Hiss etmək — danışanın duyğularını anlamaq
Duymaq — ruhən, düşüncən və ürəyinlə dinləmək
Son söz
3D Klubu bizim varoluşumuzun əsas sistemidir. Limitləşdirici düşüncələr və aşağı emosional intellekt bu sistemi zəiflədə bilər. Amma 3D sistemini gücləndirməklə özümüzü inkişaf etdirə, həyatda daha balanslı və motivasiyalı ola bilərik.
